Listkennslusprotar
Uppspretta hugmynda fyrir listgreinakennara
Áætlun
Aldur: 2. bekkur
Tími: Um 45 mínútur
Viðfangsefni: Þróun frá hugmynd að myndverki
Markmið
Í þessu verkefni eru hæfniviðmiðin þau að nemendur geti útskýrt og sýnt vinnuferlið og þróun frá hugmynd að myndverki, ásamt því að nota hugtök og heiti sem tengjast lögmálum og aðferðum verkefnisins. Nemendur eiga að geta fjallað um verkið sitt og verk annarra í hópnum.
Efni, áhöld, hjálpargögn
Pappadiskur
Kartonpappír,
ýmsir litir
Akrýllitir,
blár og brúnn
Pappírskurl
Strá og litlar greinar
Blýantur
Pensill
Litapalletta
Skæri
Lím
2010 - present
2010 - present
Framkvæmd
Fyrir þetta verkefni er tilvalið að fara með hópinn út í göngutúr og spjalla um fugla sem sjást í nágrenninu og skapa þannig umræður í hópnum og jafnvel tína nokkur strá og hluti sem væri hægt að nota í hreiðurgerð fuglsins eins og sést á myndinni hér að ofan.
Nemendur fá pappadisk í hendur og tvo akrýlliti, brúnan og bláan. Þeir mála hálfan diskinn bláan og hinn helminginn brúnan. Á meðan að málningin er að þorna er tilvalið að hreinsa pensla og litapallettu og stilla þeim upp til þerris.
Næst teikna nemendur sinn eigin fugl á kartonpappír í lit sem þeir fá að velja. Eins og myndin sýnir má nota jafnvel fleiri liti og hluti til skreytingar. Nemendur klippa fuglinn út og líma á bláa hluta disksins ásamt pappírskurli og öðru tilfallandi til að mynda hreiður á brúna hluta disksins.