Listkennslusprotar

Fyrst fær hver nemandi eina blöðru og blæs hana upp í um 70 % af stærð blöðrunnar fullblásinnar.

​

Því næst fá nemendur góðan slatta af dagblaðaræmum sem og bleyta upp í þeim með veggfóðurslími sem kennari er búinn að blanda saman. Nemendur líma blaðaræmurnar sitt á hvað á blöðruna og þekja hana alla. Að því loknu er blaðran látin þorna á góðum stað.

​

Þegar pappamassinn á blöðrunni er alveg þornaður er blaðran sprengd.

Svo er þornaði blaðamassinn málaður eins og hver og einn vill. Þó er skemmtilegt að bæta við einhverju mynstri, eins og til dæmis doppum eða rákum svo eitthvað sé nefnt.

​

Þessu næst fá nemendur skapalón og klippa út eftir þeim kamb og fætur á hænsnin úr filtefni eða pappa. Ef kamburinn er hafður tvöfaldur og ná saman að neðanverðu má hafa hann breiðan neðanvert til að hann festist vel við pappamassann og standi betur. Einnig kemur til greina að skera fyrir honum í massann. Svo gera nemendur vængi, slaufu og gogg úr kartonpappír i mismunandi litum. Augu má útbúa með sama hætti eða mála á pappamassann.

​

Ef skorið er gat á búkinn neðanverðan, til dæmis með brauðhníf eða sög, situr hann betur og þá má hnýta enda á fótaböndin og fela inni í búknum. Bandinu er þá smeygt í göt fyrir fæturna og hinn endinn hnýttur við lappirnar. Að lokum eru allir aukahlutir festir á hænuna með lími.