Listkennslusprotar

Hérna er notast við plastflösku sem tekur hálfan lítra en einnig mætti notast við minni plastflöskur, 300 ml, ef út í það væri farið. Nemendur eiga að búa til brandarakarl að eigin vali og byggja á eigin hugmyndum, ímyndun og sköpun við það verk. Gott væri að vera með góða kveikju í upphafi og sýna myndir sem hjálpa nemendum að átta sig á því til hvers er ætlast af þeim.

Fyrst eru gömul dagblöð rifin niður í renninga og þeir bleyttir upp í veggfóðurslími sem kennari blandar fyrir tímann. Fyrst þekja nemendur flöskurnar einu sinni yfir með blautu pappírrenningunum. Því næst móta þeir blautu dagblöðin svolítið eins og leir í höndum sinum og útbúa ýktar varir, augu og nef eins og sjá má á myndinni hér að ofan. Passa þarf sérstaklega á að pappírinn nái góðri festu við flöskuna en það er gert með því að nudda blöðunum vel saman. Þegar mótun andlitssins er lokið er flaskan látin þorna í dágóðan tíma en það getur tekið hana nokkra daga að þorna almennilega. Því næst er andlitð eða flaskan máluð í glaðlegum og björtum litum.