Listkennslusprotar
Uppspretta hugmynda fyrir listgreinakennara
Áætlun
Aldur: 4. bekkur
Tími: Um 40 mínútur, má einnig nýta sem aukaverkefni
Viðfangsefni: Vinnuferli frá hugmynd til afurðar
Markmið
Markmið með þessu verkefni er að nemendur geti unnið eftir einföldu ferli frá hugmynd til afurðar og hagnýtt þá leikni sem þeir hafa öðlast í einföldum verkefnum.
Efni, áhöld, hjálpargögn
Skissublöð
Krukka með loki
undan barnamat eða af svipaðri stærð
Gul akrýlmálning
Pensill
Svartur penni
með bleki sem næst ekki af
(e. permanent marker)
Úrval sýnishorna,
spjaldtölva eða sími
fyrir nemendur
að leita hugmynd
2010 - present
2010 - present
Framkvæmd
Ég hef alltaf verið ótrúlega hrifin af endurnýtingu og þá sérstaklega þegar efni er endurnýtt í listsköpun með börnum. Þetta verkefni er af þeim toga en oft falla til á heimilum ógrynni af glerkrukkum af öllum stærðum og gerðum. Í þetta verkefni er gott að nýta litlar krukkur undan barnamat.
Legóæði
Þegar krukkan er orðin hrein og fín er gulri akrýlmálningu hellt í hana þar til komin er botnfylli, alls ekki meira. Því næst er lokið sett aftur á og hún hrist til þannig að málningin þekji vel krukkuna alla innanverða.
Næst er svo lokið tekið af aftur og málningin látin þorna. Lok krukkunnar er málað gult. Svo má nota svartan penna með bleki sem ekki næst af (e. permanent marker) til að setja svip á krukkurnar í legókarlastíl. Gott er að vera með tillögur að fjölbreyttum útfærslum á legókörlum til hliðsjónar fyrir nemendur í leit að hugmyndum. Þessar krukkur er svo hægt að nota undir ýmislegt smádót eins og til dæmis sérstaka legókubba, penna, nælur og fleira. Möguleikarnir eru margir.
