Listkennslusprotar

Í þessu verkefni fá nemendur hvítt karton, A3 að stærð. Kennari er búinn að klippa út gat í mitt blaðið fyrir andlit nemanda.

​

Því næst máta nemendur blaðið við andlit sér og ekki er verra ef nemendur geta litið á sig sjálfa í stórum spegli á meðan á verkefninu stendur.

​

Næst eiga nemendur að teikna og lita brjóstmynd af persónu úr ævintýri utan um andlitsgatið. Gott er að kveikja áhuga nemenda með litlu ævintýri áður en vinnan hefst eða með því að spyrja úr hvaða ævintýri þetta og hitt gæti verið. Nemendur lita myndina með sterkum klessulitum, bæði bakgrunn og ævintýrapersónu.

​

Að þessu loknu líma nemendur rammaefni á blaðið meðfram brúnum blaðsins. Mynstur á renningana er hægt að finna á netinu eða útbúa sjálfur á einfaldan hátt, kennari eða nemandi eftir leiðsögn hans.