Listkennslusprotar

Oft er skemmtilegt að búa til verk sem eru gerðarleg og eiguleg. Þetta verkefni býður upp á það.

​

Oft er hægt að finna afgangsefni í smíðastofunni sem tilvalið væri að smíða úr litla ramma. Í því felst þó nokkur vinna. Þá getur verið sniðugt að vera líka með strigaefni sem maður strengir yfir rammann, sem þar með er orðinn blindrammi og festir með heftibyssu við rammann aftanverðan. Það á vera auðvelt og tekur ekki langan tíma.

​

Hér er gert ráð fyrir að kennari sé búinn að smíða ramma fyrir nemendur áður en þeir mæta í kennslustund. Nemendur fá rammann í hendur og móta mynstur yfir rammann þvers og kruss með einangrunarlímbandi því auðvelt er að taka það aftur af.

​

Þegar nemendur eru búnir að útbúa mynstur með bandinu mála þeir í ýmsum litum og mynstrum fletina í reitunum sem bandið myndar. Loks, þegar málingin er þornuð, má taka límbandið af striganum og þá er listaverkið tilbúið til afhendingar.