Listkennslusprotar

Tilvalið er að byrja kennslustundina á því að fara í smá göngutúr um nærumhverfið, ekki síst ef finna má góðan almenningsgarð eða náttúruparadís nálægt skólabyggingunni. Oft er hægt að finna falda fjársjóði á svoleiðis stöðum, fjársóði sem felast í steinum, prikum, gömlum trjágreinum og könglum, svo eitthvað sé nefnt, góðan efnivið í margs konar myndverk og sköpun með nemendum. Ef sú heppni er ekki með kennaranum er einnig hægt að grafa sjálfur upp þessa fjársjóði og þurrka inn í kennslustofunni áður en nemendurnir mæta í kennslustundina. Oft leynast líka faldir fjársjóðir í inni i smíðastofunni, ýmis afgangsefni sem mætti nota í svona myndverk með nemendum, til dæmis efnisbútar úr MDF-plötum eins og notast verður við í þessu dæmi.  Gott er að vera búinn að bora gat aftan í MDF-plattana eða annað ámóta efni áður en nemendur fá plattana í hendur svo auðveldara verði að hengja þá upp að verki loknu.

​

Fyrst í stað fá nemendur litla miða sem þeir skissa upp á ýmiss konar andlit með kennaranum. Kennarinn getur minnt á við erum með augu, eyru, munn, augabrúnir, hár og þar fram eftir götum. Því næst er farið yfir efnivið sem ætlunin er að nota, efnisvalið útskýrt fyrir nemendum og þeim sýndar með sýnikennslu þær aðferðir sem felast í verkefninu. Hér er gert ráð fyrir MDF-platta, prikum, trjágreinum af ýmsu tagi og öðru tilfallandi úr náttúru eða manngerðu umhverfi.

Nemendur velja sér MDF-platta og velja sér hluti til að móta með andlit og hár, til að mynda nokkrar trjágreinar fyrir hár, tvær skeljar fyrir augu, prik fyrir nef og svo framvegis. Þegar nemendur hafa komið þeim hlutum heim og saman og ákveðið hvernig andlitið verður mótað mála þeir plattann og aðra hluti sem ætlunin er að nota. Því næst þarf málningin að fá að þorna svo hægt sé að líma hlutina saman og móta endanlegt andlit. Best er að nota gott og sterkt lím eða límbyssu við verkið.

​

 Að lokum eru myndverkin hengd upp til sýnis fyrir gesti og gangandi.

​