Listkennslusprotar
Uppspretta hugmynda fyrir listgreinakennara
Áætlun
Aldur: 3. bekkur
Tími: Um 60 mínútur
Viðfangsefni: Myndverk
Markmið
Þetta verkefni á að hjálpa nemendum að skilja mismunandi tilgang myndlistar og hönnunar. Einnig eiga nemendur að geta útskýrt og rætt vinnuferli frá hugmynd að myndverki.
Efni, áhöld, hjálpargögn
Hvítt blað, A3
Brúnt karton, A4
Blýantur
Skæri
Málning
Penslar
Litapalletta
Afgangspappír
af öllum stærðum
og gerðum
Lím
2010 - present
2010 - present
Framkvæmd
Nemendur fá í hendur blað, A3 að stærð, og eiga skipta því í tvennt og fylgja sýnikennslu kennara við það. Skiptist þá blaðið í forgrunn og bakgrunn.
Nemendur mála þessa tvo hluta blaðsins hvorn í sínum litnum.
Því næst fá nemendur í hendur brúnt karton, um A4 að stærð og brjóta það blað i tvennt og teikna á annan helminginn útlínur af hálfu vasaformi eftir leiðsögn kennara.
Næst klippa nemendur eftir línuteikningunni og fá þá út samhverfan vasa.
Nemendur líma vasann mjög framarlega á forgrunninn.
Þvi næst útbúa nemendur ýmis blóm úr blaðaafgangi sem safnast hefur saman gegnum vikurnar eins og oft vill verða í listgreinastofum. Til að mynda er hægt að útbúa blóm með því að brjóta blaðarenninga í tvennt og klippa reglulega upp í renninginn frá annarri hlið og rúlla honum svo upp og líma. Þá er komið blóm eins og sést gult, rautt, blátt eða fjólublátt á myndinni hér að ofan.
Blómahaf
