Listkennslusprotar
Uppspretta hugmynda fyrir listgreinakennara
Áætlun
Aldur: 6. bekkur
Tími: Um 45 mínútur
Viðfangsefni: Að leggja mat á eigin verk
Markmið
Í þessu verkefni á nemandinn að geta lagt mat á eigið verk og sýnt skilning á vönduðum vinnubrögðum. Einnig á hann að geta beitt hugtökum og heitum sem tengjast þeim aðferðum sem beitt er í verkefninu.
Efni, áhöld, hjálpargögn
Myndavél
Prentari
Ljósritunarvél
Hvítur pappír, A3
Svart karton
Blýantur
Skæri
Lím
Tímarit
2010 - present
2010 - present
Framkvæmd
Fyrst fá nemendur myndavél til afnota og láta félaga sína taka af sér prófílmynd (nærmynd frá hlið). Því næst prenta þeir myndina út og stækka hana upp í hæfilega stærð (mynd sem passar á A3-blað) í ljósritunarvél. Einnig má prenta út blað af stærðinni A3. Önnur leið er að varpa myndinni eða eigin skugga á autt blað. Svo teikna nemendur upp eigin útlínur og klippa út prófílformið eftir þeim. Því næst leita nemendur í alls konar tímaritum að skemmtilegum setningum, orðum eða myndum, sem snúa að þeirra áhugasviði, klippa út og líma á formið þar til hvergi sér í auðan blett. Þannig verður til skemmtileg prófílmynd sem nemendur líma á svart karton.