Kennslustundin hefst á því að nemendur fá mynd af málverki, Mónu Lísu eftir ítalska listamanninn Leonardo da Vinci. Þetta heimskunna listaverk var málað á milli áranna 1503-1506 og hangir uppi á safninu Louvre í París í Frakklandi, einu stærsta og þekktasta safni heims. Nemendum er sagt að þetta listaverk muni vera  77 sm x 53 sm að stærð. Næst fá nemendur útprentað andlit og hálsmál Mónu Lísu og mega teikna það sem upp á vantar eftir eigin höfði. Þeir eiga að  endurgera listaverkið eins og þeir myndu vilja hafa það. Þeir þurfa að teikna fatnað, bakgrunn og annað sem upp á vantar og svo lita myndina með tré- og tússlitum. Þegar myndin er tilbúin festa nemendur myndina á kartonpappír  í lit að eigin vali.