Listkennslusprotar
Uppspretta hugmynda fyrir listgreinakennara
Áætlun
Aldur: 4. bekkur
Tími: Um 60 mínútur
Viðfangsefni: Fjölbreytt vinnubrögð
Markmið
Verkefnið á að efla sköpunargáfu, fjölbreytt vinnubrögð og tengja viðfangsefni hugarheimi nemenda. Nemendur handleika ýmsar tegundir áhalda og fást við lögmál myndlistarinnar. Huga á að línuteikningum, formum og línum og búa til myndverk úr því. Unnið er eftir einföldu ferli frá hugmynd til afurðar og hagnýtt sú leikni sem nemendur hafa öðlast í einföldu verkefnum. Nemendur eiga líka að geta tjáð sig á einfaldan hátt um viðfangsefni sín, gengið frá eftir vinnu sína og lagt mat á eigin verk.
Efni, áhöld, hjálpargögn
Skissublöð
Blöð, A3
Blýantur
Pensill
Þekjumálning
Vatn
Skæri
2010 - present
2010 - present
Framkvæmd
Nemendur búa til geimveru eftir eigin höfði, nota ímyndunarafl sitt til að sjá hana fyrir sér og ákveða hvernig hún gæti litið út. Ekki er boðið upp á neitt tilbúið snið fyrir geimveruna og nemendur hafa nokkuð frjálsar hendur um gerð hennar. Fyrst þarf þó að skissa upp nokkrar hugmyndir á þar til gerð skissublöð áður en ráðist er í stóra mynd af lokaafurðinni. Nemendur fá hvítt blað af stærðinni A3 og reyna að nýta mest allt blaðið fyrir geimveruna sína. Síðan fá þeir að mála hana með þekjulit í þeim litum sem þeir kjósa. Að lokum eiga þeir að klippa út geimveruna og hengja upp á vegg.